Энергетика министрлигинин басма сөз кызматынан алынган маалыматка ылайык, биринчи объект Куршаб айылдык аймагында курулган, жумуштун жалпы баасы 7 миллион 325 миң сомду түзөт.
«Экинчи объект 110/35/10 киловатттык "Кара-Шоро" аттуу подстанция болуп саналат, анын курулушуна 13 миллион 462 миң сом бөлүнгөн. Бул жерде заманбап электр жабдуулары орнотулган. Үчүнчү объект "Салам-Алик" участогунда жайгашып, жумушчулардын эмгек шарттарын жакшыртуу максатында түзүлгөн. Соңку беш жылда энергетика секторунда маанилүү өзгөрүүлөр болду, бирок бул жетишсиз. Жаңы объекттер энергетиктер үчүн гана эмес, калк үчүн да, үзгүлтүксүз электр камсыздоону камсыз кылуу максатында курулган», — деп айтылат расмий билдирүүдө.
