Тараптар практикалык кызматташтыкты активдештирүүнүн зарылдыгына, айрыкча Кыргызстанда жаңы өндүрүш кубаттарын түзүүдө көңүл бурушту. "Азыркы учурда өкмөттүн алдында заманбап өндүрүш технологияларын киргизүү, экспортко багытталган ишканаларды ачуу жана өлкөбүздүн жаштары үчүн жумуш орундарын түзүү милдети турат", — деди Эдиль Байсалов, Кыргызстан жаңы мамлекеттик программаларды иштеп чыгууда жана Кытай тараптан колдоо күтүп жатканын кошумчалады.
КР өкмөтүнүн сайтынан алынган сүрөт.
Линь У көп тараптуу кызматташтыкты кеңейтүүгө даяр экенин, анын ичинде инвестициялык байланыштарды өнүктүрүү, өнөр жай тармагында жаңы демилгелерди ишке киргизүү жана активдүү гуманитардык өз ара аракеттенүүнү белгиледи.
КР өкмөтүнүн сайтынан алынган сүрөт.
Жолугушуунун жыйынтыгы боюнча тараптар өз ара аракеттенүүнү бекемдөө боюнча кийинки кадамдарды аныкташты жана жетишилген макулдашууларды ишке ашыруу үчүн биргелешкен аракеттерди улантууга чечим кабыл алышты.
КР өкмөтүнүн сайтынан алынган сүрөт.
Визиттин алкагында Кыргызстан делегациясы ошондой эле провинциядагы машина куруу тармагындагы жетекчи ишканалардын иши менен таанышып чыкты.
