Анын айтымында, президент Садыр Жапаров депутаттар жана коомчулук тарабынан берилген адекваттуу сындарды эске алып, бул документти жокко чыгаруу боюнча буйрук берген.
Мыйзам долбооруна ылайык, ылдамдыкты ашыруу же каршы тилкеге чыгуу сыяктуу олуттуу мыйзам бузган айдоочулар инспектордун планшетинде алты суроодон турган тесттен өтүшү керек эле. Эгер тесттен өтпөсө, айдоочу укуктарынан ажырап, кайра тапшырууга жөнөтүлмөк.
Парламентте талкууланган учурда, бул демилге кызуу талкууларды жаратты. Депутаттар жолдордо билимди текшерүү тыгындардын көбөйүшүнө жана "адам фактору" себептүү коррупциялык тобокелдиктерди жаратууга алып келиши мүмкүн деген кооптонууларын билдиришти. Парламентарийлер ИИМди биринчи кезекте процессерди санариптештирүүнү аяктоого жана мыйзам бузууну каттоо механизмдерин жакшыртууга чакырышты.
