Сүйлөшүү учурунда тараптар Кыргызстан менен Польша ортосундагы кызматташтыктын маанилүү аспекттерин талкуулашты жана эки тараптуу мамилелердин келечеги боюнча пикир алышышты.
Кыргыз тарап диалогду бекемдөөнүн маанилүүлүгүнө басым жасады, бул терең жана өз ара пайдалуу кызматташтык үчүн негиз болуп саналат. Регулярдуу саясий диалогду сактоо жана жогорку деңгээлде өз ара сапарларды уюштуруу зарылдыгы белгиленди.
Тараптар эки өлкөнүн тышкы саясий мекемелери арасында саясий консультацияларды жакын арада өткөрүүгө кызыкдар экендиктерин тастыкташты.
Ошондой эле, эки тараптуу кызматташтыкты тереңдетүү үчүн келишимдик-укуктук базаны кеңейтүү маселелерине өзгөчө көңүл бурулду.
