Жолугушууга катышкан адамдардын арасында Баткен облусундагы президенттин ыйгарым укуктуу өкүлү Мамыржан Рахимов жана жергиликтүү бизнес өкүлдөрү да болду.
Иш-чарада салык администрирлөөсүндө ачыктыкты жогорулатуу жана салык мыйзам бузууларын минималдаштыруу максатында иштелип чыккан автоматташтырылган аналитикалык система «Салык күзөт» сунушталды.
Жолугушуунун катышуучуларына салык мыйзамдарына болгон акыркы өзгөртүүлөр жана бизнеске тиешелүү жаңылыктар да кеңири түшүндүрүлдү.
Сессия ачык диалог форматында өтүп, салык төлөчүлөр өздөрүнүн ишмердүүлүгү менен байланышкан суроолорду берүү мүмкүнчүлүгүнө ээ болушту, ошондой эле актуалдуу маселелерди талкуулашты. Алмамбет Шыкмамат уулу алардын кайрылууларын угуп, түшүндүрмөлөрдү берди жана бир катар маселелер боюнча мүмкүн болгон чечимдерди сунуштады.
Мындан тышкары, Баткен облусунда бизнести колдоо жана инвестицияларды тартуу максатында берилген салык жеңилдиктери жана преференциялары тууралуу маалымат да жолугушууда сунушталды.
Иш-чаранын соңунда Салык кызматынын жетекчилиги региондун көмүр тармагынын өкүлдөрү менен өзүнчө жыйын өткөрдү.
