Аккредитацияланган ресурстар арасында бир басма басылма, тогуз телеканал, үч радиостанция жана үч интернет-басылма бар.
ЦИКтен маалымдашкандай, комиссиянын расмий сайтында эфирдик убакыт, басма аянттардын баалары жана агитациялык материалдарды жайгаштыруу эрежелери тууралуу маалымат жайгаштырылат.
Бардык аккредитацияланган ММКлар мыйзам талаптарына ылайык иш алып барууга жана кандидаттар тууралуу маалыматтарында объективдүүлүктү жана тактыкты камсыздоого милдеттүү.
Шайлоо алдындагы агитация 9-февралда башталып, 28-февралда таңкы 8:00дө аяктайт. Кайра шайлоонун күнү 2026-жылдын 1-мартында белгиленген.
Эскерте кетсек, 2025-жылдын 30-ноябрында өткөн эрте шайлоолордон кийин ЦИК көп мандаттуу округ № 13 боюнча жыйынтыктарды жараксыз деп тапкан. Себеби, 35 участкеде байкоо камераларын орнотуу менен байланышкан мыйзам бузуулар болуп, бул жашыруун добуш берүүнүн принциптерин бузган.
