Первомай районунун Ички иштер башкармалыгынан маалымдашкандай, 25-декабрда Э. У. арыз менен кайрылган. Анын айтымында, ошол эле күнү саат 19:00дөн 21:00гө чейин белгисиз адамдар мыйзамсыз түрдө Объездная көчөсүндө жайгашкан базарлардын биринин жанында токтоп турган Toyota Camry 35 унаасына ээ болушкан, андан кийин качып кетишкен.
Бул факт боюнча Первомай районунун Ички иштер башкармалыгынын тергөө кызматы тарабынан Кыргыз Республикасының Кылмыш кодексинин 211-беренеси "Автомототранспорт каражатын уурдоо" боюнча кылмыш иши козголгон.
Текшерүү учурунда уурдалган унаа Ысык-Көл облусунун аймагында болгондугу аныкталган. Милициянын маалыматына ылайык, шектүү мамлекеттик каттоо номерлерин жасалмалоо менен унааны башка адамга саткан. Унаа алынган жана кылмыш ишинин материалдарына заттай далил катары кошулган. Тергөө уланууда.
