Чүй облусунун Ички иштер башкармалыгынын маалыматына ылайык, Ж.Р. аттуу жаран тарабынан берилген арыздын негизинде Кыргыз Республикасынын Кылмыш-жаза кодексинин 211-беренеси (Автомобиль уурдоо) боюнча кылмыш иши козголду.
Оперативдүү-издөө иш-чараларынын натыйжасында милиция шектүүлөрдүн жеке башын аныктоого жетишти: Н.А. (2006-жылы туулган), Н.М. (2009) жана Ш.Б. (2008). Үчөө тең Иссык-Ата районунун Ички иштер бөлүмүнө тергөө иштери үчүн жеткирилди.
Тергөө процессинде жаштар көрсөтүлгөн авто уурдап, кийин жол кырсыгын жасап, анын натыйжасында унаа айланганы белгилүү болду.
Шектүү Н.А. убактылуу кармоо жайына жайгаштырылды, ал эми Н.М. жана Ш.Б. ата-энелеринин көзөмөлүнө өткөрүлдү.
Тергөө иштери уланууда.
