Тергөөнүн маалыматына ылайык, «Сузак тазалык коому» муниципалдык ишканасынын директору М.И. С.Н. менен сүйлөшүп, Благовещенка айылында жеке курулуш үчүн жер берүү кызматтарын сунушташкан. Алар бул үчүн айыл өкмөтүнүн жасалма токтомдорун колдонуп, жарандарга участокторду 700 миңден 1,5 миллион сомго чейин баада сатышкан.
Мыйзамсыз келишимдерди легалдаштыруу үчүн шектүүлөр мамлекеттик комиссиялардын жер амнистиясы боюнча иштерин колдонууга аракет кылышкан.
Кылмыш иши козголгондон кийин, эки шектүү кармалып, УКМКнын тергөө абагына киргизилди. Тергөөнүн жүрүшү уланууда.
