Алынган маалыматка ылайык, 1-февралда жергиликтүү ИИБге 24 жаштагы Ж.Д. аттуу тургун кайрылган. Ал 31-январда Балыкчыга караштуу Ак-Өлөң айылындагы Орто-Бөйрөк участкасында белгисиз адамдар анын сарайынан койун уурдап кеткенин билдирген. Уурдалган малдын зыяны 20 000 сомду түзгөн.
Окуя тууралуу маалымат Балыкчы ИИБнин Бирдиктүү кылмыштар реестрине киргизилип, Кыргыз Республикасынын Кылмыш-жаза кодексинин 205¹-беренеси ("Мал уурдоо") боюнча кылмыш иши козголгон.
ГОВД кызматкерлеринин "Арсенал" аттуу рейди учурунда 1992-жылы туулган Ак-Өлөң айылынын тургуну Р.Н. кармалып, бул кылмышка шектүү катары таанылган.
Сурак учурунда шектүү өз күнөөсүн толук мойнуна алды. Балыкчы шаардык соту анын үстүнөн тергөө аяктаганга чейин камакка алуу чарасын көрдү.
Учурда тергөө иштери уланууда.
