Конфликт тууралуу маалымат алынгандан кийин, окуя болгон жерге милиция кызматкерлери келип жетишти. Алар мушташты токтотуп, медициналык жардам көрсөтүү үчүн тез жардам чакырышты. Бир нече өспүрүмдөр текшерүү үчүн ооруканага жаткырылды.
Окуянын катышуучулары жана алардын ата-энелери райондук ички иштер башкармалыгына жеткирилди, ал жерде сүйлөшүү өткөрүлүп, болгон жагдайлар такталды. Кээ бир ата-энелер жазуу жүзүндө арыз беришти.
Окуя боюнча Свердлов райондук ички иштер башкармалыгынын тергөө кызматы Кыргыз Республикасынын Кылмыш кодексинин 280-беренеси «Хулигандык» боюнча кылмыш ишин козгоду. Учурда зарыл тергөө иштери жүргүзүлүүдө.
