Алынган маалыматтарга ылайык, 19-январда белгисиз адамдардын Токмоктогу мал базарында огнестрелдик куралды сатуу боюнча сүйлөшкөндүгү тууралуу маалымат түшкөн. Ошентип, Токмок шаардык Ички иштер бөлүмүндө тиешелүү арыз катталып, Кыргыз Республикасынын Кылмыш кодексинин 267-беренесине ылайык, курал жана ок-дарыларды мыйзамсыз жүгүртүүгө байланыштуу кылмыш иши башталган.
Оперативдик иш-чаралардын жүрүшүндө милиция кызматкерлери көзөмөл сатып алуусун жүргүзүштү.
Негизги шектүү катары аныкталган С. З. аттуу адамдын дарегинде тинтүү жүргүзүлгөндө, төмөнкү предметтер табылып, алынып коюлду: 5,6 мм калибрдеги ок атуучу курал, 12 калибрдеги ИЖ-17 үлгүсүндөгү мылтык, 16 калибрдеги мылтыктын стволу, 30дан ашык патрон жана ар кандай калибрдеги гильзалар, ошондой эле патрондорду даярдоого арналган комплекттер. Мындан тышкары, 29 колго жасалган бычак, эки каттоочу номер, диний мазмундагы китептер жана түрүн аныктоо керек болгон кургатылган өсүмдүк заттары табылган.
Эки жаран кармалды: 1982-жылы туулган С. З. жана 1994-жылы туулган Т. К., алар убактылуу кармоо жайына жайгаштырылды.
Алынган мүлк боюнча соттук экспертизалар дайындалды жана тергөө иштери уланууда.
