Салык кызматынын кызматкерлери тарабынан өткөрүлгөн рейддин жүрүшүндө Бишкекте тыюу салынган электрондук сигареттер сатылып жаткан жай табылган. Бул тууралуу Мамлекеттик салык кызматынын (МСК) маалымат кызматы билдирди.
МСКдан алынган маалыматка ылайык, аталган соода объектиси борбордун 7-микрорайонундагы турак үйдүн подвалында жайгашкан.
Текшерүү учурунда сатуу операциясын Э.Д.Ж. аттуу жаран жүргүзгөнү аныкталды. Продукция курьердик компаниялардын жана таксилердин кызматтарын колдонуу менен уюштурулган схема боюнча жеткирилген.
Операциянын натыйжасында 3 миллион сомдон ашык суммага 3 миңден ашык тыюу салынган никотин камтыган товарлар алынган, алар укук коргоо органдарына кийинки чаралар үчүн өткөрүлөт.
