Кызыл-Кийде У.И. менен байланышкан топ табылды. Ал «Дженго» деп аталган Кадыра Досоновдун уюшкан кылмыштуу тобунун мүчөсү катары «АБД ТОР» системасында катталган. Тергөө маалыматтарына ылайык, бул топ 2025-жылдын 26-декабрында Ош облусунун Ноокат районунун тургуну С.И.Н.га (1997-жылы туулган) карата тоноо кылмышын жасаган. Тоноочулар аны ур-токмокко алып, 230 миң сом акча каражатын тартып алышкан.
Тоноо фактысы боюнча кылмыш иши 28-декабрда козголгон, ал эми Кызыл-Кийдин төрт тургуну кармалган: Ш.М.А. (1992-жылы туулган), А.Ш.Ж. (2002-жылы туулган), Т.М.И. (1999-жылы туулган) жана Ж.А.Т. (1998-жылы туулган).
Мындан тышкары, тергөө учурунда уюшкан кылмыштуу топтун мүчөлөрүн жазасын өтөп жаткан абактарда каржылоого С.А.К. (2005-жылы туулган) тарабынан 150 миң сомдук «Дэу Нексия» унаасы уурдалганы аныкталган. Унаа сатылып, алынган каражаттар «жылуу» катары абакка жөнөтүлгөн.
Бул кылмыш ишинин алкагында М.Ш. жана Ш.А. Баткен районунун Ички иштер башкармалыгынын убактылуу кармоо жайына жайгаштырылган.
