Бул борбор өзүн жеке медициналык-психиатриялык мекеме катары көрсөтүп, ар кандай көз карандылыктардан жапа чеккен адамдарды дарылоого алектенген.
Тергөө борбордун кызматкерлеринин көбү мурда көз карандылыкка кабылган, медициналык билимге ээ эмес экенин аныктады. Башкармалыктын көрсөтмөсү боюнча алар пациенттер менен «псевдопсихиатриялык» процедураларды жана сүйлөшүүлөрдү өткөрүшкөн.
УКМК белгилегендей, пациенттердин «жарылуулар» болгон учурда, катуу психологиялык кризистер учурунда катаал жана кемсинтүүчү таасир көрсөтүү ыкмалары колдонулган. «Тынчтандыруу» үчүн физикалык күч жана бекитүүчү байламчалары бар кере, дубинка, электр шокерлер жана ооздук сыяктуу атайын каражаттар колдонулуп, бул физикалык жаракаттарга жана олуттуу психологиялык зыяндарга алып келген.
Көзөмөлсүз пациенттерди тышкы дүйнө менен байланыш мүмкүнчүлүгүн толугу менен четтеткен изоляцияларга жайгаштырышкан — терезелер жабылып, караңгылатылган. Мындай шарттарда аларды туалет жана жеке гигиена мүмкүнчүлүгүнөн ажыратып, памперс кийгизип, ошол шарттарда бир жума бою калтырышкан.
Тергөө борбордун ишмердүүлүгү анын ээлерине олуттуу киреше алып келгенин аныктады: бир пациенттин «реабилитациясы» үчүн айына 80 миң сомдон баштап акы алынган. Пациенттердин туугандары көп учурда мекемеде колдонулган мыйзамсыз жана катаал «дарылоо» ыкмалары тууралуу билишкен эмес.
Мындан тышкары, борбордо ВИЧ, туберкулез жана башка инфекциялык жана венерикалык оорулары бар пациенттерди бөлүү принциптери сакталбай келген. Бардык пациенттер жалпы шарттарда жайгаштырылып, оорулардын жугушу үчүн коркунуч жараткан.
Тергөө процессинде материалдык далилдер жыйналды, ал эми Бишкек ШИИБинин ИВСинде бир нече адам кармалды, алардын арасында И.Р.К., М.Дж.Н., Е.А.В., М.И.М., М.В.А., Т.Ч.А., К.К.И. жана Х.С.В. бар.
УКМК кармалган адамдардын аракеттеринин курмандыгы болгон бардык адамдарды Чүй облусунун УКМКнын дежурдук бөлүмүнө 0 (312) 53-03-01 телефону аркылуу байланышууга чакырат.
Эскертүү, видео жана сүрөттөрдө зомбулук жана катаалдык сценалары бар.
