Маалыматтарга ылайык, 7:05те дежурная бөлүмгө 30 жаштагы жаран А.К.нын ийинине бычактан жаракат алып, ооруканага жаткырылганы тууралуу билдирүү келип түшкөн.
Окуя болгон жерге келген оперативдүү-тергөө тобунун кызматкерлери окуянын Сельсоветская көчөсүндөгү кафе жанында болгонун аныкташкан. А.К. аттуу эр киши белгисиз адамдын аялына чабуул жасап жатканын көрүп, кийлигишүүгө чечим кабыл алган. Анын аракетине жооп катары агрессор эки жолу бычак менен сол ийинине сокку урган, андан кийин окуя болгон жерден качып кеткен.
Жаракат алган адам медициналык жардам алуу үчүн ооруканага кайрылган, анда ага зарыл болгон жардам көрсөтүлгөн.
Ленин ИИБнин маалымат кызматынын сүрөтү
Окуя боюнча Кыргыз Республикасынын Кылмыш-жаза кодексинин «Хулигандык» беренеси боюнча кылмыш иши козголду. Оперативдүү иш-чаралардын жүрүшүндө шектүү, 22 жаштагы жаран А.А. аныктап, кармалган.
Шектүү тергөө органдарына жеткирилген жана Бишкек ШИИБнин убактылуу кармоо жайына жайгаштырылган. Сотко чейинки териштирүү улантылууда, зарыл экспертизалар дайындалган.
