Окуя 6-январь күнү, саат 4:18 чамасында болгон. Э.М. аттуу жабырлануучу Первомай районунун ИИБне белгисиз адамдардын кол салуусуна кабылгандыгы тууралуу арыз менен кайрылган. Алар анын Honda Fit унаасынын айнегин сындырып, физикалык күч колдонуп, жамбашына бычак сайышкан. Андан кийин кылмышкерлер унааны уурдап, 23 миң сомдук Xiaomi Poco X4 Pro 5G мобилдик телефонун уурдашкан.
Ошондой эле, Э.М.нын таанышына, А.Р. аттуу жаранга, күч менен ак түстөгү Hyundai Sonata унаасына отургузуп, белгисиз тарапка алып кетишкен жана анын мобилдик телефонун алып кеткен.
Окуя боюнча Первомай районунун ИИБи тергөө кызматы Кыргыз Республикасынын Кылмыш кодексинин 207-беренеси «Тоноо» боюнча кылмыш ишин козгоду.
Бишкек шаарынын ИИБи жана Первомай районунун ИИБи тарабынан жүргүзүлгөн ыкчам-издөө иш-чараларынын натыйжасында жети шектүү кармалды, алардын арасында 16дан 19 жашка чейинки жаштар бар. Алардын төртөө убактылуу кармоо жайына жайгаштырылды.
Тергөө иштери уланууда, жана тергөө жыйынтыгы боюнча шектүүлөрдүн аракеттерине юридикалык баа берилет.
