2026-жылдын 5-январында Ноокат РОВДсына 1982-жылы туулган А.З. аттуу жаран кайрылган.
Ал 2025-жылдын 17-декабрында Ноокат шаарында белгисиз адамдар тарабынан сабалганын жана мобилдик телефонун алып кеткенин айтып берген.
Бул окуя документтештирилип, алдын ала текшерүү башталды. Жыйналган материалдардын негизинде КРнын Кылмыш кодексинин 206-беренеси ("Уурулук") боюнча кылмыш иши козголуп, оперативдик-тергөө иштери башталды.
Оперативдик-издөө иш-чараларынын натыйжасында эки шектүү кармалды: 1999-жылы туулган, мурда соттолгон Н. уулу Б. жана 1988-жылы туулган К.А. Алар убактылуу кармоо жайында жатат.
Шектүүлөрдүн башка кылмыштар менен мүмкүн болгон байланышын аныктоо үчүн тергөө иштери уланууда.
