Алынган маалыматка ылайык, 1975-жылы туулган Караколдук аял 2010-жылы туулган жаш кызын жоготкондугу боюнча укук коргоо органдарына арыз жазган. Анын айтымында, кыз 2-январда үйдөн чыгып, кайра келген эмес.
Кийинчерээк өспүрүм табылып, Каракол шаардык ички иштер бөлүмүнүн жаштар инспекциясынын кызматкерлерине өткөрүлүп берилди. Сурак учурунда кыз 7-январда Ак-Суу айылында белгисиз үйдө зордуктоого кабылганын айтты. Учурда факт катталды, соттук-медициналык экспертиза дайындалды жана "16 жашка толбогон адамга карата сексуалдык мүнөздөгү аракеттер" беренеси боюнча кылмыш иши козголду, — деп айтылат расмий билдирүүдө.
Ысык-Көл облусунун милициясынын сүрөтү
Жүргүзүлгөн оперативдик иш-чаралардын натыйжасында шектүүлөр кармалып, учурда алар убактылуу кармоо жайында. Алдын ала маалыматтар боюнча, эки жигит да өз күнөөсүн мойнуна алышкан. Текшерүү уланууда.
