16-январда укук коргоо органдарына борбордун тургундарынын бири арыз жазган. Эркек киши, Уметалиев көчөсүндөгү көп кабаттуу үйдүн батиринде таанышына кол салганын, бычак менен коркутуп, эки мобилдик телефон - iPhone 15 ProMax жана 20 миң сомун алып кеткенин айтып берген.
Бул окуя боюнча Кыргызстандын Кылмыш-жаза кодексинин 206-беренеси ("Уурулук") боюнча кылмыш иши козголгон.
Укук коргоо органдары шектүүнү, 1989-жылы туулган М.Ф. деп аныктаган. Учурда ал убактылуу кармоо жайына жайгаштырылган.
Кармоо учурунда анын колунда болгону бир iPhone гана болгон, ал эми экинчи телефонду ал 18 миң сомго соода борборлорунун биринде сатып жиберген. Экинчи түзмөктүн сатып алуучусу милицияга жеткирилген. Учурда иш боюнча тергөө улантылууда.
