Иш-чарага Казарман айылындагы үч жалпы билим берүү мектебинин 7–9 класстарынын окуучуларынын командалары катышты: Тоту Мойдунов атындагы №1 мектеп, Асан Абдраимов атындагы №2 мектеп жана Иманберди уулу Иса атындагы №4 мектеп.
Райондун билим берүү бөлүмүнүн начальниги Бактыбек Таалайбековдун белгилөөсү боюнча, мелдеш Тогуз-Тороу районунун түзүлгөнүнө 90 жыл толуусуна арналган. Иш-чаранын негизги максаттары жаштар арасында достукту бекемдөө, укук бузууларды, буллингди жана зомбулукту алдын алуу, ошондой эле киберпространстводогу коопсуздукту камсыздоо болду. Мындан тышкары, балдардын бош убактысын туура уюштуруу, дене тарбияны жана спортту жайылтуу, кышкы спорт түрлөрүн жана туризмди өнүктүрүүгө басым жасалды.
