1500 метрге чуркоо боюнча мелдештер 6-февралда башталды, жана стартка Кыргызстандыктардын эки өкүлү чыкты.
Алдын ала жарыштарда Кенешбеков 3 мүнөт 50 секунд убакыт көрсөтүп, финалга өтүүгө мүмкүнчүлүк алды. Ага дагы бир кыргызстандык — Жусуп Сулайман уулу кошулду.
1500 метрге финалдык жарыш 8-февралда болуп, Кенешбеков 3 мүнөт 44,75 секунд убакыт менен финишке чыгып, күмүш медаль утуп, экинчи орунду ээледи. Жусуп Сулайман уулу 3 мүнөт 54,02 секунд убакыт менен сегизинчи болуп финишке чыкты.
Мындан тышкары, 7-февралда Кенешбеков 3000 метр аралыкта дагы күмүш медаль утуп, экинчи орунду алды.
