Учурда мыйзамды бузуп иш алып барган беш дарыгер аныкталды. Бирок Кыргыз Республикасынын Саламаттык сактоо министрлигинин мүмкүнчүлүктөрү административдик чаралар менен чектелүүдө. Бул тууралуу «Элден Собол» программасында Саламаттык сактоо министрлигинин лицензиялоо бөлүмүнүн башчысы Аман Осмонов билдирди.
Анын айтымында, мыйзамсыз медициналык ишмердүүлүк үчүн жоопкерчилик кылмыштык жана административдик болуп бөлүнөт. Эгер жаранга зыян келтирилсе, иш укук коргоо органдарына өткөрүлөт. Ал эми Саламаттык сактоо министрлиги тиешелүү лицензиянын жоктугу үчүн айып пул салат.
«Мурда, 2024-жылга чейин, айып пул 7,5 миң сомду түзгөн, биз аны 100 миң сомго чейин жогорулаттык, бул 10 эсе көп. Бирок бул сумма дагы дарыгерлерди токтотпойт, бүгүн биз бир объектти жапсак, эртең ал кайра ишин баштайт. Демек, 100 миң сом дагы жетишсиз. Биз айып пулдарды жогорулатуу мүмкүнчүлүгүн карап жатабыз», - деди Осмонов.Ал жакында жүргүзүлгөн текшерүүлөрдө аконит жана башка уулуу өсүмдүктөрдү сатуу учурлары катталганын белгиледи. Сатуучүлөр өз продукциясынын коопсуздугу боюнча ишенимдүү далилдерди бере албай жатышат. Адамдар үчүн азык катары 350дөн ашык өсүмдүк жана товарды пайдаланууга тыюу салган Бирдиктүү экономикалык кеңештин регламенти бар, бирок дарыгерлер бул нормаларды эске албай жатышат.
