Жолугушууда Касымалиев Бириккен Араб Эмирликтери менен бекем жана узак мөөнөттүү байланыштарды күчөтүүнүн маанилүүлүгүн, Абу-Даби өнүктүрүү фонду менен өз ара аракеттенүүнү белгиледи.
Тараптар инфраструктуралык өнүктүрүү, ошондой эле экспорт жана инвестиция тармактарында биргелешип долбоорлорду ишке ашыруунун келечегин талкуулашты.
Тараптар «Абу-Даби Кыргыз Инвестмент» биргелешкен ачык акционердик коомунун алкагында активдүү кызматташууну улантуу боюнча макулдашышты.
«Менин ишеничим боюнча, бул коомдун алкагында инвестициялык долбоорлордун ийгиликтүү ишке ашырылышы биздин өлкө менен Бириккен Араб Эмирликтери ортосундагы кызматташтыкта жаңы этап болот», — деди Адылбек Касымалиев. Ал эми эмират тараптын өкүлдөрүн 2026-жылдын апрелинде Бишкекте өтө турган «Араб өлкөлөрүнүн Заливи - Борбордук Азия кызматташтык кеңеши» форматындагы Инвестициялык форумга катышууга чакырды.
Абу-Даби өнүктүрүү фондунун башкы директору Мохаммед Сейф Аль-Сувейди, өз кезегинде, Кыргыз Республикасындагы долбоорлорго өзгөчө көңүл бурууга даяр экенин билдирип, мүмкүн болгон долбоорлорду өз фондуна жөнөтүүнү сунуштады.
