«Бетонду кабыл алуу процессинде курулушчу бетон насосту жөө адамдар үчүн тротуарга жайгаштырган, бул курулуштун жалпы планына каршы келет. Объектте коопсуздук үчүн жооптуу инженердик-техникалык кызматтын өкүлдөрү жок болчу», - деп билдиришти министрликтен.
Мындан тышкары, иштеп жаткан техниканын айланасында коопсуздук зонасы уюштурулган эмес, убактылуу тосмолор орнотулган эмес, ошондой эле жөө адамдарды коргоо үчүн жооптуу адамдар жок болчу», - деп кошумчалашты министрликтен.
Натыйжада, курулуш иштерин жүргүзүп жаткан ОсОО «Роял Констракшн» расмий эскертүү алды. Ведомство аныкталган бузулууларды жоюу боюнча чараларды көрүүдө.
Кыргыз Республикасынын Юстиция министрлигинин маалыматына ылайык, ОсОО «Роял Констракшн» жетекчиси Акжигитов Мирлан Толонович. Компаниянын негиздөөчүлөрү Акжигитов Мирлан Толонович, Кенжеев Талантбек Шадимуратович жана Кулбаева Канымбү Маматемировна.
