Мэриянын басма сөз кызматынан билдиришкендей, тосмолор унаа менен кагылышкан соң жабыркаган.
«Бул участокто тосмону унаа уруп кетти. Келишим түзгөн подрядчиктерге билдирилди, тосмолор калыбына келтирилет», - деп айтылды мэриядан.
Маалыматтарга ылайык, көрсөтүлгөн участокто алты тилкелүү кең жолду ОАО «Аэродромдорстрой» куруган. ОАО «Аэродромдорстрой» боюнча, Ош мэриясы менен 390 млн сомго жол куруу боюнча келишим түзүлгөн.
Мурда Turmush 2025-жылдын 8-декабрында Алишер Навои көчөсүнүн Алыбек-датка жана Курманжан-датка көчөлөрү менен кесилишкен участок ремонттук-курулуш иштеринен кийин ачылганы жөнүндө жазган.
Мэрия бул участокту кеңейтүү максатында жапкан. Ремонттон кийин жол бир тилкеге кеңейип, азыр беш тилкеден турат. Ошондой эле тротуарларга асфальт төшөлүп, коргоочу тосмолор орнотулган. Ош шаардык жол башкармалыгынын башчысы Женишбек Шоноев ремонттук-курулуш иштерин бир акционердик коом жүргүзгөнүн билдирген. Азырынча так чыгымдар сметасы даярдалган эмес.
«Алдын ала 20 млн сомго жакын каражат сарпталган, бирок так смета дагы бекитилген жок», - деди Ж.Шоноев.
Мурда Алишер Навои көчөсүнүн Курманжан-датка жана Гапар Айтиева көчөлөрү менен кесилишкен участок алты тилкеге кеңейтилип, бүгүн ачылган участок беш тилкеге ээ, ал эми көчөнүн калган бөлүктөрү алты тилкелүү бойдон калууда.
