Департаменттин Бишкек боюнча башкармалыгынын кызматкерлери тарабынан жүргүзүлгөн текшерүүдө Кок-Жар айылында, Мадиева көчөсү 9 дарегинде жайгашкан турак үйдүн курулушу текшерилди.
«Көзөмөлдөө процессинде 9 кабаттуу турак үйгө кошумча объекттин курулушу учурунда коопсуздук жана эмгекти коргоо нормаларынын бузулганы аныкталды, ошондой эле жер астындагы автоунаа токтотуучу жайдын курулушунда да ушул эле көйгөйлөр байкалган.
Текшерүүнүн жыйынтыгы боюнча ОсОО «Аурум Билдинг» боюнча акт түзүлүп, эскертүү берилди. Уюм 200 миң сомго айыпка жыгылды», - деп билдиришти Минстройдон.
Юстиция министрлигинин маалыматына ылайык, ОсОО «Аурум Билдинг» 2020-жылы катталган. Компаниянын жетекчиси Алтымышов Кубат Талантбекович, ал эми негиздөөчүлөрү Алтымышов Кубат Талантбекович жана Ишенбеков Урмат Ишенбекович.
