Ал белгилегендей, бул мезгилде Бишкек жана Чүй облусунда бааларды мониторингдөө жүргүзүлдү.
«90 күндүн ичинде биз Бишкек жана Чүй облусунда эттин бааларына кылдат көз салып турдук. Эгер негизсиз баанын жогорулашы аныкталса, жаза чаралары каралган: жеке жактар үчүн 3 миң сом, юридикалык жактар үчүн 13 миң сом. Бул чаралар ыйгарым укуктуу органдар тарабынан чыгарылган буйрукта бекитилген», — деп тактады ал.
Бул буйруктун алкагында эт саткан соодагерлер үчүн түшүндүрүү иштери да жүргүзүлүп, бардык ишкерлер документте белгиленген талаптар менен таанышкан.
Жалпысынан 87 мониторинг жүргүзүлүп, анын жүрүшүндө 276 ишкердик субъекттери катталды, алар менен түшүндүрүү иштери жүргүзүлдү.
Адис эттин стабилдүү бааларын сактоо боюнча чаралардын күчүндө экенин баса белгиледи.
Башында жөнгө салуу 2025-жылдын августунда 90 күнгө күчүнө кирген, бирок кийин анын мөөнөтү 30 күнгө узартылып, 30-декабрга чейин улантылды. Андан ары, №205 буйругу менен убактылуу жөнгө салуу 2025-жылдын 31-декабрынан 2026-жылдын 30-январына чейин узартылды. Үчүнчү жолу жөнгө салуунун мөөнөтү 2026-жылдын 27-февралына чейин белгиленди.
