Маалыматка ылайык, берилген кредиттер боюнча пайыздык ставка жылына 3% түзөт.
Программа боюнча колдоо айыл чарба өндүрүүчүлөрүнө, министрлер кабинетинин бекиткен тизмесине кирген асыл тукум заводдоруна жана фермердик чарбаларга, ошондой эле асыл тукум мал жана уруктандыруу техникалары менен алектенген жеке ишкерлерге жеткиликтүү.
Жеңилдетилген финансирлөөнү төмөнкү максаттарда колдонууга болот:
- асыл тукум мал сатып алууга;
- бардык чарбаларды модернизациялоого;
- мал чарбачылыгы объектилерин курууга жана жаңыртууга;
- жаныбарларды кармоо жана өстүрүүдө заманбап технологияларды киргизүүгө.
Программа алатау, герефорд, голштин, симменталь, айшир, буру швицкий жана галловей сыяктуу ар кандай ири мүйүздүү мал тукумдарын колдойт.
Кредиттик шарттар төмөнкүдөй:
- максималдуу насыя суммасы — 20 млн сомго чейин;
- уроктандуу техникалар үчүн — 2 млн сомго чейин;
- кредиттин мөөнөтү — 60 айга чейин;
- жеңилдетилген мезгил — 6 ай;
- 500 миң сомго чейин кредиттерди кепилдиксиз алууга болот;
- эгер кепилдик камсыздоо жетишсиз болсо, Гарантиялык фонддон кепилдик колдоо алуу мүмкүнчүлүгү бар.
Министрликте бул программа жергиликтүү мал чарбачыларын колдоого, малдын продуктивдүүлүгүн жогорулатууга, айыл чарба жаныбарларынын генетикалык потенциалын жакшыртууга жана өлкөнүн азык-түлүк коопсуздугун бекемдөөгө багытталгандыгын белгилешти.
