Бул 23-февралда "Кызыл-Кыя" фитосанитардык көзөмөл постунда болуп, Баткен облусунун химиялаштыруу, өсүмдүктөрдү коргоо жана карантин департаментинин кызматкерлери көчөттөрдүн упаковкасында белгилөө жок экенин аныкташты.
2016-жылдын 30-ноябрында Евразия экономикалык комиссиясынын кабыл алган чечимине (номер 157) ылайык, ар бир карантиндик продукциянын упаковкасы товардын аталышы, келип чыккан өлкөсү, ошондой эле экспорттоочу же реэкспорттоочу өлкө жөнүндө белгилөө болушу керек.
Карантиндик жүктүн упаковкасында белгилөө жоктугу Евразия экономикалык биримдигинин жалпы карантиндик фитосанитардык нормаларын бузуу болуп саналат, бул болсо аталган партиянын импорттоочу өлкөгө кайтарылышына себеп болду.
