Мындан тышкары, гидротехникалык инфраструктураны жакшыртуу алкагында 608 курулуш, 174 суу өлчөө бекети жана 91 насостук станция оңдолгон, бул учурда 19 насостук агрегат алмаштырылган.
Министр ошондой эле 206 чакырым коллектор-дренаждык тармак механикалык тазалоодон өткөнүн белгиледи. 2025-жылы калкты сапаттуу ичүүчү суу менен камсыз кылуу максатында 40 айылдык пункт суу менен камсыздоого жеткиликтүү болуп, 75 миңден ашык жаран суу пайдаланууга мүмкүнчүлүк алышты. Бул иш-чараларга мамлекеттик бюджеттен 3,7 миллиард сом бөлүнгөн.
Акунбеков учурда 70 айылдык аймакта, 25 шаарда жана 601 айылда суу менен камсыздоо системаларын куруу улантылып жатканын кошумчалады. 2026-жылга чейин дагы 70 айыл жана үч шаар ичүүчү суу менен камсыздалат деп пландалууда.
