Депутат Гульнара Акимбаева командиттик шериктиктердин иштөө механизмдерине көңүл бурду, алардын туура жөнгө салынуусунун инвестициялык чөйрөнү жакшыртуудагы маанилүүлүгүн баса белгиледи.
Венчурдук финансылоонун мүмкүнчүлүктөрү жана тобокелдиктери тууралуу депутат Венера Салямова суроо узатты, чет элдик инвесторлордун Кыргызстанда бул процесске кандайча катыша аларын тактады.
Кыргыз Республикасынын Президентинин алдындагы Улуттук инвестиция агенттигинин орун басары Жалын Жээналиев чет элдик инвесторлор венчурдук финансылоого катышуу үчүн жергиликтүү аккредитация алышы керек экенин түшүндүрдү. Ал ошондой эле негизги талап 10 жылдан кем эмес тажрыйбасынын болушу экенин белгиледи.
Мыйзам долбоорунун максаты венчурдук финансылоонун, венчурдук инвесторлордун, инвестициялык фонддордун жана башкаруучулардын түшүнүктөрүн мыйзамдык жактан аныктоо, ошондой эле стартаптар жана инновациялык долбоорлорго инвестиция тартуу үчүн ыңгайлуу шарттарды түзүү болуп саналат. Документ өлкөнүн инвестициялык климатын жакшыртууга жана технологиялык ишкердикти колдоого багытталган.
