Бул мыйзам долбоору өкмөт башчысынын демилгеси менен сунушталды.
Юстиция министринин орун басары Алмазбек Зарылбек уулу демилгени ишке ашыруунун негизги максаты электрондук акчаларга байланыштуу юридикалык боштуктарды жоюу, аларды жарандык укуктун объектиси катары таануу жана учурдагы мыйзамдарга ылайык мураска алуу мүмкүнчүлүгүн камсыздоо экенин билдирди.
Талкуу учурунда депутат Улан Примов электрондук акчаларга тиешелүү Граждандык кодекстин 22-беренесине сунушталган өзгөртүүлөргө, ошондой эле электрондук акчалардын эмитенти боюнча төлөм системасы жөнүндө мыйзамга тиешелүү оңдолмолорго көңүл бурду.
Депутат Дастанбек Джумабеков «электрондук акча» терминдин юридикалык аныктамасы боюнча суроо көтөрдү.
