Чыгуу иш-чараларынын учурунда Бактыбек Кудайбергенов каттоочуларды уюштуруу ишинин сапатын белгилеп, калктын каттоого катышууга даярдыгына көңүл бурду. Ал, жашоочулар бул кампанияга түшүнүү менен мамиле жасап, анын жыйынтыктарына кызыгуу көрсөтүп жатканын баса белгиледи.
«Айыл чарба каттоосу агрардык сектордун абалы тууралуу толук маалымат алууга мүмкүнчүлүк берет, анын ичинде жер пайдалануу, малдын саны, айыл чарба өндүрүүчүлөрдүн структурасы жана колдонулган технологиялар тууралуу маалымат. Бул маалыматтар мамлекеттин деңгээлинде стратегиялык чечимдерди кабыл алууга негиз болот», - деди комитеттин төрагасы.
Каттоо боюнча маалымат жыйноо өлкөнүн бардык региондорун камтыйт жана 20-марттан 10-апрелге чейин уланат. Маалыматтарды жыйноо атайын даярдалган каттоочулар тарабынан жүргүзүлүп, алар санариптик инструменттерди колдонуп, жеке сурамжылоолорду өткөрүшөт.
Улуттук статистика комитети фермерлерди, айыл чарба өндүрүүчүлөрдү жана үй-бүлөлөрдү каттоого активдүү катышууга жана так маалыматтарды берүүгө чакырат.
