Текшерүүнүн жүрүшүндө өткөрмө пункттарынын жетекчилерине белгиленген регламенттерди катуу сактоо жана карантинге алынган продукциянын импортун жана экспортун көзөмөлдөөнү күчөтүү боюнча сунуштар берилди. Сыртка экономикалык ишмердүүлүк катышуучулары менен өз ара аракеттешүүгө өзгөчө көңүл бурулду.
Текшерүүнүн жыйынтыгы боюнча М. А. Кочеров бир катар тапшырмаларды берди:
Аныкталган мыйзам бузуу учурларына катуу жооп берүү, анын ичинде айыл чарба продукциясын кайтаруу, жок кылуу же дезинфекциялоо.
ЕАЭБдин фитосанитардык талаптарына жооп бербеген товарларды алып келүүнүн алдын алуу боюнча чараларды көрүү.
Кыргыз Республикасынын аймагына кооптуу организмдердин киришин алдын алуу менен өлкөнүн фитосанитардык коопсуздугун толук камсыз кылуу.
