Акимияттан алынган маалыматка ылайык, жаңы жол Базар-Коргон районунун Кенеш айылдык аймагында жайгашып, бир нече айылдарды борбордук райондор жана Базар-Коргон шаары менен байланыштырууда.
Ачылыш аземине Транспорт министрлигине караштуу «Кыргызавтожол-Юг» мамлекеттик ишканасынын жетекчилери, ошондой эле жергиликтүү бийлик өкүлдөрү жана райондун тургундары катышты.
Шайдан—Абдураимов автожолунун узундугу 6 километрди түзөт. Өткөн жылы «титулдук тизмеге» IV категориядагы эки километрлик жол бөлүгү кирип, оңдолуп, жөө адамдар үчүн тротуарлар менен толукталган. Жумуштар райондук жолдорду эксплуатациялоо ишканасы №50 тарабынан жалпы суммасы 16 млн 950 миң сомго аткарылган.
Жолдун калган бөлүгү да ушул жылы оңдолуп бүтөт. 2025-жылы Базар-Коргон районунда дагы 32 километр автожолдорду асфальттоо пландалууда.
