Бул топко Улуттук экономика министрлигинин, Экология министрлигинин, «Атамекен» Улуттук ишкерлер палатасынын, Улуттук коопсуздук комитетинин Чек ара кызматынын жана Транспорт министрлигинин адистери кирди.
Казакстан Республикасынын Транспорт министрлигинин маалыматы боюнча, жаңы маршрут Алматы — Отар — Кордай — Бишкек — Чолпон-Ата жолуна альтернатива катары каралууда, анын узундугу болжол менен 460 километрди түзөт.
Азия өнүктүрүү банкынын колдоосу менен Узынагаш жана Кичи-Кемин аркылуу өтүүчү кыска маршрут сунушталды. Анын болжолдонгон узундугу 277 километр, анын 127 километри Казакстандын аймагында, 150 километри болсо Кыргызстанда болот.
Ведомстводон билдиришкендей, зарыл болгон инфраструктуранын бир бөлүгү азыр эле бар. Бирок, Казакстанда болжол менен 80 километр жолду оңдош керек, Кыргызстанда болсо 6 километрдей.
2024-жылдын декабрь айында Казакстан жана Кыргызстан техникалык-экономикалык негиздемени (ТЭО) даярдоону тездетүү жана АБРдин жардамы менен жол куруу боюнча биргелешкен иштерди баштоо керектиги боюнча макулдашышты.
Темага байланыштуу окуңуз
Казакстан Алматы — Ысык-Көл жолун курууга даяр
2025-жылдын 1-апрелине карата долбоордун техникалык-экономикалык негиздемесин иштеп чыгуу боюнча иштер уланууда. Бул тапшырма Азия өнүктүрүү банкынын мойнуна жүктөлүп, долбоорду ишке ашыруу үчүн каржылоо бөлүнгөн.
Ведомстводон билдиришкендей, учурда ТЭО түзүү процессинин улантылып жатканы белгиленди. Бул документ келечектеги жолдун негизги параметрлерин аныктайт, анын ичинде так маршрут, категория, узундук, болжолдонгон транспорт агымы, финансылык аспекттер жана мүмкүн болгон тарифтер. Мындан тышкары, Казакстан жана Кыргызстан мыйзамдарынын нормалары эске алынат.
ТЭОнун акыркы варианты 2026-жылдын сентябрына чейин сунушталат деп болжолдонууда. Андан кийин тараптар долбоорду ишке ашыруу боюнча акыркы чечим кабыл алышат, анын ичинде мамлекеттик-жеке өнөктөштүк механизми аркылуу жеке инвестицияларды тартуу мүмкүнчүлүгү.
