Мамлекеттик бажы кызматынын төрагасы Алмаз Салиев Россия тарап менен өз ара аракеттенүү активдүү форматта жүрүп жатканын билдирди. Анын айтымында, буга чейин 2-3 онлайн жолугушуу өткөрүлгөн, Кыргызстандан байланыш офицери дайындалган, ошондой эле чек арада мобилдик топ иштеп жатат.
Салиев белгилегендей, Бажы кызматы документтердин туура эместигинен улам ишкерлер чек арада кармалып калганда тез арада жооп берүү үчүн атайын алгоритм иштеп чыккан. Бул алгоритм учурда Россия тарапта каралып жатат, бирок расмий жооп азырынча келген жок.
Мындан тышкары, Бажы кызматы Россияга кыргызстандык жарандар жана ишкерлер чек арада эмне себептен токтотулуп жаткандыгы боюнча маалымат сурап кайрылган.
Салиевдин айтымында, көйгөйлөр жүк ташуучулардын документтеринин жетишсиздигинен улам жаралышы мүмкүн.
