Ал жеңилдетилген шарттар боюнча маселе абдан татаал экенин белгиледи. "Россия катуу миграциялык саясатты жүргүзүүдө. Соңку жылдары биз Россиядагы өнөктөштөрүбүз менен активдүү иштедик, бул бизге бир катар жарандарды кара тизмеден чыгарууга мүмкүнчүлүк берди. Бирок 90/180 күндүк режим өзгөрүүсүз калууда. Бул Россиянын миграциялык кызматындагы ички чечимдер, жана биз аларга таасир эте албайбыз. Бизде да ушундай система бар", - деп түшүндүрдү Кулубаев.
Министрдин айтымында, кыргызстандыктар Россияда мыйзамдуу болууга кам көрүшү керек.Ал кошумчалады: "Россияда согуштук абал шартында аларга кандайдыр бир жеңилдиктерди берүү мүмкүн эмес. Ошондуктан, жарандарга бардык документтерин тартипке келтирүүнү сунуштайбыз. Бирок учурда 90/180 күндүк режимди өзгөртүү мүмкүн эмес", - деп баса белгиледи министр.
