Ал $15 миң сумма Кыргызстандагы маяналарга салыштырганда ашыкча экенин белгиледи. «Бул абдан жогору баа. Биз америкалык тарапка биздин каалоолорубузду билдирдик, алар биздин позициябызды эске алышты. Сүйлөшүүлөр уланууда», — деп кошумчалады ал.
Кулубаев ошондой эле америкалык тараптын бул чечими Кыргызстандык жаш жарандардын көпчүлүгү визанын мөөнөтү аяктаган соң АКШда калып жаткандыгы менен байланыштуу экенин айтты. Бул жагдайда эки өлкө үчүн окшош режимди киргизүү мүмкүнчүлүгү талкууланууда.
АКШнын миграциялык саясатына кайрылып, министр бул ар бир өлкөнүн ички иши экенин жана башка мамлекеттердин бул боюнча таасир көрсөтүүсү мүмкүн эместигин баса белгиледи.
Министрдин маалыматына ылайык, АКШда болжол менен 40 миң кыргызстандык жашайт. «Миграциялык мыйзамдарды бузган адамдар миграциялык кызматтарда аныкталган учурда депортациялануусу мүмкүн. Мурда 20 адам депортацияланган, жакында дагы 20 адамдын депортацияланышы күтүлүүдө», — деп комментарий берди ал.
Жээнбек Кулубаев америкалык тараптын негизги талаптары миграциялык нормалар жана мыйзамдарды сактоо экенин баса белгиледи.
Эскерте кетсек, 2026-жылдын 21-январынан баштап Кыргызстан жарандары АКШда B-1 (иш сапарлары) жана B-2 (туризм) категориясындагы иммиграциялык эмес визалар үчүн $5 миңден $15 миңге чейинки кайтарым кепилдик суммасын төлөөгө милдеттүү.
