Министр 2025-жылы Кыргызстандан 2 088 чет өлкөлүк жаран депортацияланганын, ал эми болжол менен 9 миң чет өлкөлүк жаран өз статусун легалдаштырганын айтты. Анын айтымында, депортация 5-10 жыл бою АКШда виза же документсиз жүргөн адамдарды гана камтыйт, мыйзамдуу жашаган адамдарды эмес.
Кулубаев бардык Борбордук Азия өлкөлөрү тизмеге киргенин белгилеп, ушул маселе боюнча биргелешип иш алып баруу керектигин айтты.
Ал ошондой эле Тышкы иштер министрлиги АКШ тарабынан киргизилген виза кепилдиги маселеси менен алектенип жатканын билдирди.
Министр эгер айлык $40 миң болсо, $15 миң кепилдик коюуга болорун баса белгиледи. Бирок, анын айтымында, көпчүлүк жарандардын айлыгы $1 миңден ашпайт, ошондуктан алар бул маселе боюнча америкалык тарап менен талкууларын улантышат.
