Конкубаева билдиргендей, кыргыз тарап 449 соттолгон адамды өткөрүп берүү боюнча өтүнүч жөнөткөн, бирок 144 учур боюнча Россиянын бийликтери арыздарды четке каккан. Баш тартуунун себептери өтүнүчтөрдүн күчүндө болгон келишимдин шарттарына жооп бербегендигинде же оор кылмыштар, анын ичинде киши өлтүрүү үчүн соттолгон адамдарга байланышкандыгында жатат.
Башкы прокурордун орун басары ошондой эле мурда Кыргызстан прокуратурасынын Россиядагы өкүлчүлүгүн ачуу маселеси каралганын белгиледи. Бирок финансылык маселелер, атап айтканда, кызматкерлерге айлык төлөө боюнча маселе чечилбей турат.
