Муниципалитеттин маалыматына ылайык, жалпы планда 13 муниципалдык мектептин курулушу каралган, алар болжол менен 14 миң 50 окуучуну кабыл ала алат. Бул чечим Орто-Сай аймагындагы (контур 22) калктын проекттик саны жана функционалдык зонага бөлүү боюнча эсептерге негизделген.
Ошондой эле 3 миң 570 баланы кабыл ала турган 17 бала бакчанын түзүлүшү пландалууда.
Мэрияда билим берүү мекемелери турак жай жана коомдук-ишкердик аймактарда жайгашат, бул аймактын мындан аркы өнүгүшү менен жашоочулар үчүн ыңгайлуу жеткиликтүүлүктү камсыздайт деп белгилешти.
