Бир телеканал менен болгон маегинде ал министрликтеги орточо айлык акы болжол менен 150 миң сомду түзөрүн, ал эми кээ бир департаменттерде 500 миң сомго чейин жетерин белгиледи.
Орунтаевдин айтымында, министрликтин департаменттери өзүн-өзү каржылоонун принципи боюнча иштейт, ал эми кызматкерлердин адистиги тар жана эмгек рыногунда жогору суроо-талапка ээ.
«Алардын арасында көптөгөн архитекторлор, куруучулар, конструкторлор жана инженерлер бар, алардын эмгеги баалуу жана атаандаштыкка жөндөмдүү. Бул адистер көп кабаттуу имараттар жана татаал инженердик объектилер үчүн долбоордук документацияны жана техникалык чечимдерди текшеришет, ошондой эле бул объектилердин белгиленген стандарттарга ылайык келүүсүнө жооп беришет», — деп белгиледи ал.
Министр кызматкерлердин айлык акысынын деңгээли алардын квалификациясын жана жоопкерчиликтин деңгээлин чагылдырат деп баса белгиледи.
