Документтен алынган маалыматка ылайык, Каракол аэропортунун учуп-отуруу тилкесин 1300 метрге узартуу боюнча иштерди аяктоо 30-июнга чейин пландалган. Долбоордун аткаруучусу ГАГА компаниясы болуп дайындалган, ал эми макулдашуу «Кыргызстандын аэропорттору» ААК тарабынан жүргүзүлөт. Каржылоо аталган мамлекеттик ишкананын каражаттарынын эсебинен жүргүзүлөт.
Маалымат үчүн:
Каракол аэропортунун өткөрүү жөндөмдүүлүгү саатына 250 жүргүнчүнү түзөт. Учурдагы учуп-отуруу тилкеси 2400 метр узундукта, Embraer 190 жана башка окшош моделдеги учактарды кабыл алуу үчүн арналган. Жаңы аэровокзалдын аянты болжол менен 8 миң чарчы метрди түзөт.
