Кыргыз тараптан жыйында жогорку кызматтагы чиновниктер, анын ичинде тышкы иштер министри Жээнбек Кулубаев, Улуттук банктын төрагасы Мелис Тургунбаев, экономика жана соода министринин орун басары Медербек Туманов жана каржы министринин орун басары Умутжан Аманбаев катышты.
Британ тараптан иш-чарага Улуу Британиянын премьер-министринин Азербайжан жана Ортолук Азия боюнча соода өкүлү, Лорду Джон Элдердайс, ошондой эле Ортолук Азия жана Монголия боюнча Европа реконструкция жана өнүктүрүү банкынын башкаруучу директору Хусейн Озхан катышты.
Жыйынды КБДСтин тең төрагасы жана Эл аралык бизнес кеңешинин аткаруучу директору Аскар Сыдыков модераторлук кылды.
Жыйында Boston Consulting Group (BCG), United Concrete Canvas — ирригация үчүн инновациялык цемент материалдарын өндүрүүчү, углерод финансирлөө жана климаттык долбоорлор менен алектенген Valor Carbon, корпоративдик финансылык жана стратегиялык изилдөөлөр боюнча финансылык кызматтарды сунуштаган Oppenheimer Europe Ltd., ошондой эле Кыргызстандагы үч ири кредиттик мекеменин катарына кирген ОАО "Элдик Банк" сыяктуу компаниялар өз презентацияларын сунушташты.
Ошондой эле иш-чарада Citibank жана Societe Generale сыяктуу белгилүү дүйнөлүк банктар, ошондой эле Alvarez & Marsal жана EY (Лондон) компанияларынын өкүлдөрү болду. Катышуучулардын арасында Батыш Лондон Соода палатасы, Eurasia Critical Minerals глобалдык кен казуу компаниясы, таза энергетика тармагында иш алып барган Better Earth Limited корпорациясы жана жасалма интеллект боюнча стартаптарды финансирлөө боюнча адистешкен AI Capital компаниясынын өкүлдөрү да болду.
Кеңешмеде критикалык минералдар боюнча кызматташуу, финансылык рынокту өнүктүрүү, банктар аралык байланыштарды кеңейтүү, ошондой эле Лондону инвестиция тартуу жана эл аралык рынокторго чыгуу үчүн негизги финансылык борборлордун бири катары пайдалануу маселелери талкууланды.
Аскар Сыдыков КБДСтин Кыргызстандын жана Улуу Британиянын соода-экономикалык мамилелерине оң таасирин тийгизгенин, ошондой эле Кыргызстандын экономикасына инвестиция тартууга көмөк көрсөткөнүн белгиледи.
Маалымат
КБДСтин биринчи жыйыны 2023-жылдын 28-ноябрында Лондондогу ЕБРРдин штаб-квартирасында өттү, экинчи жана үчүнчү жыйындар болсо 2024-жылдын 25-апрелинде жана 3-октябрында Бишкекте өтөт.
Жыйындын катышуучулары
Улуу Британиядан:
Oppenheimer Europe Ltd
United Concrete Canvas
AI Capital Partners
AGRI-HR
Better Earth Limited
Citibank
Valor Carbon
EY, London
European Bank for Reconstruction and Development
West London Chamber of Commerce
Chartered Institute of Export & International Trade
Advantix Ltd
Eurasian Critical Minerals Organization
Societe Generale Corporate and Investment Banking
Resources Now
Эл аралык компаниялар:
Boston Consulting Group
Alvarez & Marsal Central Eurasia LLC
КазМинералс Лондон
Кыргызстандык компаниялар:
ОАО "Элдик Банк"
ОсОО "Кант ТШП"
ОАО "Бакай Банк"
Билим берүү комплекси "Билимкана"
Страховая компания "Кыргызстан"
"Манас Карго"
