Ведомствонун маалыматына ылайык, жыйынтыктоочу жыйында келишимдин долбоору принципиалдык деңгээлде макулдашылган.
Тиешелүү ички процедуралардын бардыгы аяктаган соң, акыркы документке кол коюу болот, деп тактады Минэкономика.
Министрликтен билдиришкендей, келишимдин максаты - бир тараптын резиденттерин экинчи тараптын аймагында дискриминациялык салык салуудан коргоо. Ал ошондой эле салык төлөөдөн качууну алдын алуу жана анын шарттарын кыянаттык менен пайдаланууну болтурбоо боюнча чараларды камтыйт, ошондой эле Кыргызстан менен Румыниянын компетенттүү органдарынын ортосунда маалымат алмашууну өнүктүрүүгө багытталган.
