Айдаралиевдин айтымында, долбоордун максаты өнөр жайды диверсификациялоо, импортту алмаштыруу жана экспортко багытталган продукцияны түзүү болуп саналат.
Алгачкы этапта орус өндүрүшүнүн Lada Niva жана Lada Largus сыяктуу популярдуу авто модельдерин чогултуу пландалууда.
Анын маалыматына ылайык, заводдун өндүрүш көлөмү жылына 25 000 автоунаага чейин жетет. Бул долбоордун ишке ашырылышы жергиликтүү тургундар үчүн болжол менен миң жумуш ордун түзөт. Келечекте, кийинки он жылдын ичинде, завод толук өндүрүш циклына өтүүнү пландаштырууда.
