Жолугушууда Кыргызстан менен ЭВФ ортосундагы кызматташтык аспектилери талкууланды.
«Мамлекетте жүргүзүлгөн акыркы масштабдуу структуралык реформалар эл аралык рейтинг агенттиктери тарабынан оң баа алды. Бул реформалар бизнес активдүүлүгүн стабилдештирүүгө, негизги тармактарды колдоого, инфраструктураны модернизациялоого жана инвестициялык климатты жакшыртууга багытталган», — деп белгиленди маалымат кызматында.
ЭВФ республикага келгенден бери, 30 жылдан ашуун убакыт ичинде 12 программа ишке ашырылды, бул программалар экономикага олуттуу таасир этти, кедейчилик деңгээлин төмөндөтүүгө жардам берди жана туруктуу жана инклюзивдүү экономикалык өсүүнү камсыз кылды», — деп кошумчалашты ведомстводо.
Министрлер Кабинетинин маалыматына ылайык, өлкөдөгү экономикалык активдүүлүктүн жогорку динамикасы экономикасын модернизациялоого, инвестициялык климатты жакшыртууга жана атаандаштык чөйрөнү түзүүгө, ошондой эле мамлекеттик башкаруу тармагында реформаларды жүргүзүүгө багытталган мамлекеттик башкаруунун натыйжалуу чаралары менен шартталган.
