Талкуунун жүрүшүндө депутат Жылдыз Садырбаева өлкөлөр ортосундагы соода-экономикалык мамилелерди кеңейтүү темасын көтөрдү.
Кыргыз Республикасынын Азербайжандагы жана Грузиядагы өзгөчө жана ыйгарым укуктуу элчиси Максат Мамытканов өткөн жылы Азербайжан менен товар жүгүртүүнүн көлөмү 10 миллион долларды түзгөнүн билдирди. Ал ошондой эле Азербайжан-Кыргыз өнүктүрүү фондунын ишмердүүлүгүн активдештирүү боюнча иштер жүргүзүлүп жатканын белгиледи.
Мындан тышкары, депутат Чолпон Эсенаманова оор жүк ташуучу унаа айдоочуларынын Азербайжан аркылуу транзитте негизсиз кармалышына байланыштуу кайрылуулары менен байланышкан маселелерди көтөрдү.
Талкуунун жыйынтыгы боюнча Кыргыз Республикасынын Азербайжандагы жана Грузиядагы элчилигинин 2024–2025-жылдардагы ишмердүүлүгү тууралуу маалымат кабыл алынды.
